హైదరాబాద్ ​పబ్లిక్ ​స్కూలులో ఎస్సీఎస్టీ విద్యార్థులపై వివక్ష

జైభీమ్​ యూత్ ​ఇండియా అధ్యక్షుడు ముకురాల శ్రీహరి

సామాజికసారథి, హైదరాబాద్: రామంతాపూర్​ లోని హైదరాబాద్​ ​పబ్లిక్ ​స్కూలులో దళిత, గిరిజన విద్యార్థులకు బుక్కులు ఇవ్వకుండా వివక్ష చూపడం సరికాదని జైభీమ్​ యూత్​ ఇండియా అధ్యక్షుడు ముకురాల శ్రీహరి అన్నారు. ఈ మేరకు బుధవారం ఆయన ప్రకటనలో పేర్కొన్నారు. ఇక్కడ 1 నుంచి 12వ తరగతి వరకు 300 మంది చదువుతున్నారని తెలిపారు. సంక్షేమ శాఖ నుంచి డబ్బులు రాలేదనే సాకుతో బుక్స్ ​ఇవ్వకుండా విద్యార్థులను ఇబ్బందులు పెడుతున్నారని సరికాదన్నారు. పేద విద్యార్థులను చదువులకు దూరం చేస్తున్న ప్రిన్సిపల్ ​నర్సింహారెడ్డిపై ఎస్సీ, ఎస్టీ అట్రాసిటీ కేసు పెట్టి సస్పెండ్ ​చేయాలని కోరారు. సీఎం కేసీఆర్ విద్యార్థుల తల్లిదండ్రులకు వెంటనే క్షమాపణలు చెప్పాలని డిమాండ్​ చేశారు. ప్రిన్సిపల్ కు ఎస్సీ డీడీ కమిషనర్​ యోగితారాణా లేఖ రాసినా సంక్షేమశాఖ వద్ద నిధులు లేవనే సాకుతో విద్యార్థులకు బుక్స్​ ఇవ్వడం లేదన్నారు. రామంతాపూర్​ లోని హైదరాబాద్​లోని పబ్లిక్ ​స్కూలులో చదువుతున్న విద్యార్థుల చదువులను ఫణంగా పెట్టవద్దని ప్రభుత్వాన్ని ముకురాల శ్రీహరి కోరారు. తక్షణమే పుస్తకాలను పంపిణీ చేయకపోతే హైదరాబాద్​ పబ్లిక్​ స్కూలును ముట్టడిస్తామని ఆయన హెచ్చరించారు.