సారథిన్యూస్, గోదావరిఖని: సింగరేణి పరిధిలోని అన్ని కార్యాలయాల్లో, స్థలాల్లో ఈ నెల 23 నుంచి వనమహోత్సవ్ కార్యక్రమాన్ని నిర్వహిస్తామని సంస్థ సీఎండీ శ్రీధర్ తెలిపారు. ఈ కార్యక్రమంలో భాగంగా మెత్తం 35 లక్షల మొక్కలు నాటాలని లక్ష్యంగా పెట్టుకున్నామని చెప్పారు. బుధవారం కేంద్ర బొగ్గుశాఖ ప్రత్యేకకార్యదర్శి అనిల్ కుమార్ వీడియో కాన్ఫరెన్స్ నిర్వహించారు. ఈ కార్యక్రమంలో శ్రీధర్ పాల్గొని మాట్లాడారు. బొగ్గు పరిశ్రమలన్నీ ఈ ఏడాది ‘వనమహోత్సవ్’ కార్యక్రమంలో భాగంగా పెద్ద ఎత్తున మొక్కలు నాటాలని కేంద్ర బొగ్గు మంత్రిత్వశాఖ ఆదేశించింది. ఈ కార్యక్రమంలో పాల్గొన్న సింగరేణి సీఎండీ శ్రీధర్ మాట్లాడుతూ.. తాము సింగరేణి ఆధ్వర్యంలో నర్సరీలోను ఏర్పాటు చేసుకున్నామని చెప్పారు. ఈ సమావేశంలో సింగరేణి అడ్వయిజరీ ( అటవీ) కే సురేంద్రపాండే, డెరెక్టర్ బీ భాస్కర్రావు, జనరల్ మేనేజర్ కే రవిశంకర్ తదితరులు పాల్గొన్నారు.
