న్యూఢిల్లీ: సినిమాలు, టీవీ సీరియల్స్ షూటింగ్లకు కేంద్రప్రభుత్వం అనుమతి ఇచ్చింది. అన్లాక్ 3.0 మార్గదర్శకాల్లో భాగంగా షూటింగ్లకు అనుమతి ఇచ్చారు. ఈ మేరకు ఆదివారం ఉదయం కేంద్ర సమాచార, ప్రసారశాఖ మంత్రి ప్రకాశ్ జవదేకర్ మార్గదర్శకాలను విడుదల చేశారు. బహిరంగ ప్రదేశాల్లో యూనిట్ సిబ్బంది తప్పనిసరిగా మాస్క్లు ధరించాలని నిబంధనల్లో సూచించారు. నటీనటిలంతా ఆరోగ్యసేతు యాప్ను ఉపయోగించాలని.. షూటింగ్ సమయంలో విజిటర్లను అనుమతించవద్దని సూచించారు. మేకప్ సిబ్బంది కచ్చితంగా పీపీఈ కిట్లు ధరించాలని సూచించారు. వీటితోపాటు చిత్రీకరణ జరిపే ప్రదేశంలో తాత్కాలిక ఐసోలేషన్ కేంద్రం ఏర్పాటు చేసుకోవాలని నిబంధనల్లో పేర్కొన్నారు.
