గురువారం సాయిధరమ్ తేజ్ పుట్టిన రోజు. ఈ సందర్భంగా సుబ్బు దర్శకత్వంలో రూపొందుతున్న చిత్రం ‘సోలో బ్రతుకే సో బెటర్‌’ నుంచి బ్రేకప్ సాంగ్‌ను సోషల్ మీడియా ద్వారా చిరంజీవి విడుదల చేశారు. ‘ఒగ్గేసిపోకే అమృతా నేను తట్టుకోక మందు తాగుతా. ‘ఒట్టేసి చెబుతున్న అమృతా’ అంటూ సాగే ఈ పాటను నకాష్ అజిజ్ పాడగా, కాసర్ల శ్యామ్‌ సాహిత్యం అందించాడు. తమన్ సంగీత దర్శకుడు. నభా నటేశ్‌ హీరోయిన్‌. బీవీఎస్‌ఎన్‌ ప్రసాద్ నిర్మాత.
చిరు సాంగ్ తో పాటు ‘హ్యాపీ బర్త్ డే తేజ్… ’సోలో’గా ఉన్నప్పుడే ఫుల్‌గా ఎంజాయ్ చేయ్. నీ బ్యాచిలర్ లైఫ్ ఇంకొన్ని రోజులే’ అంటూ మేనల్లుడికి బర్త్ డే విషెస్ తో పాటు మెగా పంచ్‌ ఇచ్చారు చిరంజీవి. ఈ ట్వీట్‌పై స్పందించిన తేజ్.. ‘ప్రతిఒక్కరూ కోరుకునే బెస్ట్‌ బర్త్‌డే గిఫ్ట్‌ ఇదే. నా బర్త్ డేని మరెంతో స్పెషల్‌గా చేసినందుకు థ్యాంక్యూ సో మచ్‌ మామ. మీ ఆశీర్వాదం కంటే మరేది నేను కోరను’ అంటూ రిప్లై ఇచ్చాడు. ‘హ్యాపీ బర్త్ డే డార్లింగ్.. బ్యాచిలర్‌గా ఆఖరి పుట్టినరోజుని ఎంజాయ్ చేయ్. ఇంతకీ డేట్‌ ఎప్పుడు ఫిక్స్‌ చేశావ్‌’ అంటూ నితిన్ ట్వీట్ చేశాడు. ‘సోలో బ్రతుకే సో బెటర్‌’ అంటూ తేజ్ బ్రేకప్ సాంగ్స్ పాడుకుంటుంటే, బ్యాచిలర్ గా తనకి లాస్ట్ బర్త్ డే ఇదని హింట్ ఇస్తున్నారు చిరంజీవి, నితిన్.
