లక్నో: మధ్యప్రదేశ్ గవర్నర్ లాల్జీ టాండన్ (85) మంగళవారం తెల్లవారుజామున కన్నుమూశారు. ఈ మేరకు ఆయన కుమారుడు అశుతోష్ ట్వీట్చేశారు. ఆయన కొంతకాలంగా జ్వరం, మూత్రపిండాల సంబంధిత వ్యాధితో బాధపడుతున్నారు. నెల క్రితం లక్నోలోని ఓ ఆస్పత్రిలో చేరారు. టాండన్ మాజీ ప్రధాని వాజపేయికి సన్నిహితుడు. ఉత్తర్ప్రదేశ్ మంత్రిగా కొంతకాలం పనిచేశారు. చిన్నప్పటినుంచే టాండన్ ఆరెస్సెస్లో క్రియాశీలకంగా ఉండేవారు. తర్వాత జనసంఘ్లో చేరారు. టాండన్ మృతికి ప్రధాని మోదీ, కేంద్రమత్రి స్మృతి ఇరానీ సంతాపం తెలిపారు.
