‘చిత్రలహరి’ సినిమాతో సక్సెస్ ట్రాక్ పై వచ్చిన సాయిధరమ్ తేజ్ ‘ప్రతిరోజూ పండుగే’ సినిమాతో వచ్చి మరో విజయాన్ని సాధించాడు. ఇప్పుడు ‘సోలో బతుకే సో బెటర్’ అంటూ వస్తున్నాడు. తేజ్, నభా నటేష్ హీరో హీరోయిన్లుగా యువ దర్శకుడు ఈ మూవీని తెరకెక్కిస్తున్నాడు. ఈ సినిమాలోని ఫస్ట్ సాంగ్ ‘నో పెళ్లి’ అనే ఆటను సోమవారం ఉదయం విడుదల చేశారు. అర్మాన్ మాలిక్ పాడిన ఈ పాటకు రఘురామ్ సాహిత్యం అందించాడు. అయితే ఈ పాటలో హీరో వరుణ్ తేజ్ కనిపించడం ఒక విశేషమైతే, రీసెంట్గా తన ప్రేమ కబురందంచింది..త్వరలోనే పెళ్లి పీటలు ఎక్కబోతున్న రానా కూడా ఈ పాటలో మెరవడం మరో విశేషం.
ఇక ట్వీట్టర్ ద్వారా హీరో నితిన్ ఈ పాటను విడుదల చేసి సాంగ్ చాలా బాగుందంటూ ప్రశంసలు కురిపిస్తూ.. ‘ఇలా ఇంకెన్ని రోజులు సింగిల్గా ఉంటావో చూస్తాను.. కొన్నిసార్లు పెళ్లి చేసుకోవడంలో టైమ్ గ్యాప్ ఉంటుందేమో కానీ, పెళ్లి చేసుకోవడం పక్కా’అంటూ కమెంట్ కూడా చేశాడు. మొత్తానికి ఈ పాట పెళ్లి కాని కుర్రాళ్లందరికీ కనెక్ట్ అయిపోయి వైరల్ అయిపోతోంది.
