జొహెన్సెస్బర్గ్: కరోనా దెబ్బకు ఆగిపోయిన క్రికెట్ను తిరిగి గాడిలో పెట్టేందుకు అన్ని దేశాలు తమ వంతు కృషి చేస్తున్నాయి. ఇందులో దక్షిణాఫ్రికా కాస్త భిన్నంగా ఆటను ప్రారంభించబోతున్నది. 3టీ రూపంలో ఓ భిన్నమైన ఫార్మాట్ను అందుబాటులో తీసుకొస్తోంది. ఈనెల 27న 24 మంది ఆటగాళ్లు మూడు జట్లుగా విడిపోయి మ్యాచ్ ఆడనున్నారు. మూడు జట్లలో ఈగల్స్కు డివిలియర్స్, కింగ్ ఫిషర్స్కు రబడా, కైట్స్కు డికాక్ సారథ్యం వహించనున్నాడు. ప్రతి జట్టులో ఎనిమిది మంది ఆటగాళ్లు ఉంటారు. మొత్తం 36 ఓవర్లను రెండు దఫాలుగా బౌలింగ్ చేయాలి. రెండు ఇన్నింగ్స్లో కలిపి ప్రతి టీమ్ 12 ఓవర్లు ఆడుతుంది. ప్రథమార్థంలో ప్రతి జట్టు ఆరు ఓవర్లు ఎదుర్కొంటుంది. బ్యాటింగ్ ఎవరు చేయాలనేది డ్రా ద్వారా నిర్ణయిస్తారు. ఏడు వికెట్లు కోల్పోయినా కూడా ఆఖరి బ్యాట్స్మెన్ ఒక్కడే బ్యాటింగ్ చేయొచ్చు. రెండు ఇన్నింగ్స్ల్లో అత్యధిక స్కోరు చేసిన జట్టు విజేతగా నిలుస్తుంది. తర్వాతి రెండు టీమ్లకు రజతం, కాంస్యం లభిస్తాయి.
