క్వాలిఫయింగ్ తేదీలు ఇవ్వండి

• అంతర్జాతీయ ఒలింపిక్ కమిటీ

లుసానే: టోక్యో ఒలింపిక్స్​ కు అర్హత సాధించేందుకు చివరి తేదీ వచ్చే ఏడాది జూన్ 29. ఈ లోగా అన్ని అర్హత టోర్నీలను పూర్తి చేయాలని అంతర్జాతీయ ఒలింపిక్ కమిటీ(ఐవోసీ) సూచించింది. వీలైనంత త్వరగా క్వాలిఫయింగ్ తేదీలను ప్రకటించాలని వెల్లడించింది. క్వాలిఫయింగ్ డ్రాఫ్ట్​ ను రూపొందించడానికి సాయం చేయాలని సూచించింది. ‘అంతర్జాతీయ సమాఖ్యల క్యాలెండర్​ లో టోర్నీల తేదీలు, వేదికలపై స్పష్టత లేదు. అందుకే వీలైనంత త్వరగా టోర్నీలు నిర్వహించాలి. తేదీలు, వేదికలను ప్రకటిస్తే క్వాలిఫికేషన్ సిస్టమ్​లో ఎంట్రీచేస్తాం. ఇది అథ్లెట్లకు ఈజీగా మారుతుంది. ఇప్పటివరకు జరగని అర్హత టోర్నీలపై మా మేనేజర్స్ దృష్టిపెడతారు’ అని ఐవోసీ ప్రకటన విడుదల చేసింది.