ఇండియన్స్ ముఖ్యంగా సూపర్ హీరోగా యాక్సెప్ట్ చేసింది ముఖ్యంగా హృతిక్ రోషన్ నే.. పిల్లలైతే ఆయన సినిమా ఎప్పుడొస్తుందా? అని ఎదురుచూస్తుంటారు. అందుకే హృతిక్ ఇప్పుడు ‘క్రిష్’ ఫ్రాంచైజీ తెరకెక్కించడానికి సన్నాహాలు మొదలు పెడుతున్నాడు. ఇంతకుముందు వచ్చిన ఈ సిరీస్ లో వచ్చిన మూడు సినిమాలూ బిగ్ హిట్టయ్యాయి. ఇప్పుడ ‘క్రిష్ 4’ ను మొదలు పెడుతున్నట్టు హృతిక్ తండ్రి నిర్మాత, దర్శకుడు అయిన రాకేష్ రోషన్ నెలరోజుల ముందు అనౌన్స్ చేశాడు. ఇప్పుడది ఇంకాస్త స్పీడందుకుంది. లాక్ డౌన్ సమయాన్ని వృథా చేయకుండా స్క్రిప్టు రెడీ అయిందంటున్నారు. అయితే ఈ సినిమాలో 16 క్రితం వచ్చిన ‘కోయి మిల్ గయా’లో కీలకపాత్ర చేసిన జాదు పాత్రను మళ్లీ ప్రవేశపెడుతున్నారట. కోయిమిల్ గయా కథ మొత్తం ఆ జాదూ చుట్టూనే తిరుగుతుంది. బ్రెయిన్ మెచ్యూర్ లేని రోహిత్ మిశ్రాకు స్పేస్ నుంచి వచ్చిన జాదు విల్ పవర్స్ ఇస్తాడు. దీంతో రోహిత్ సూపర్ హీరోగా మారిపోతాడు. ‘క్రిష్ 3’ లో రోహిత్ మిశ్రా క్యారెక్టర్ ను ఎండ్ చేశారు. ఇప్పుడు మళ్లీ రోహిత్ మిశ్రా కోసం ‘క్రిష్ 4’లో జాదూను భూమి మీదకు రప్పించే ఏర్పాటు చేస్తున్నారట. ఈసారి వచ్చే జాదు ఇంకెంత పవర్ ఫుల్ గా వస్తాడో.. హృతిక్ చేసే ప్రయోగాలన్నీ దాదాపు సక్సెస్ అయ్యియి. ఈ సినిమాలో ముగ్గురు హీరోయిన్స్ అనుకుంటున్నా ఇంకా ఎవరూ డిసైడ్ కాలేదు. ఎవరినీ ఎంచుకోలేదు. ప్రస్తుతం హృతిక్ రోషన్ ‘సంషేరా’, ‘చహరే’ సినిమాలతో బిజీగా ఉన్నాడు.
