సారథి న్యూస్, వెల్దండ: కరోనా వ్యాప్తి.. లాక్ డౌన్ నేపథ్యంలో నాగర్ కర్నూల్ జిల్లా వెల్దండ మండల కేంద్రంలోని శ్రీశైలం– హైదరాబాద్ హైవేపై ఏర్పాటు చేసిన పోలీస్ చెక్ పోస్ట్ ను శుక్రవారం డీఆర్వో మధుసూదన్ నాయక్, ఆర్డీవో రాజేష్ కుమార్ తో కలిసి పరిశీలించారు.
ఇతర రాష్ట్రాల వలస కార్మికుల వివరాలు సేకరించాలని, మండలంలో ఉన్న వలస కూలీలు తమ సొంత ప్రాంతాలకు వెళ్లాలంటే తప్పనిసరిగా తహసీల్దార్ అనుమతి తీసుకోవాలని సూచించారు. రోడ్లపై అనవసరంగా తిరుగుతున్న వారిపై చర్యలు తీసుకోవాలని ఆదేశించారు.
డీఆర్వో వెంట తహసీల్దార్ సైదులు, సీఐ నాగరాజు, ఎస్సై నరసింహులు, నయాబ్ తహసీల్దార్ వెంకటరమణ, ఆర్ఐ రాఘవేందర్, రెవెన్యూ సిబ్బంది ఉన్నారు.
