బెంగళూర్‌ : కరోనా మహమ్మారి దేశంలో విలయతాండవం సృష్టిస్తున్నది. సామాన్యులు, ప్రభుత్వాధికారులు, మంత్రులను వదలడం లేదు. తాజాగా కర్ణాటక ఆరోగ్యశాఖ మంత్రి కే సుధాకర్ భార్య, ఆయన కుమార్తెకు కరోనా పాజిటివ్గా నిర్ధారణ అయ్యింది. ఇటీవలే సుధాకర్ తండ్రికి పాజిటివ్ రావడంతో ఆయన కుటుంబసభ్యులకు కరోనా పరీక్షలు చేశారు. తమ కుటుంబ సభ్యులకు నిర్వహించిన కోవిడ్‌-19 టెస్ట్‌ రిపోర్టులు వచ్చాయని, తన భార్య కుమార్తెకు పాజిటివ్ ఫలితాలు వచ్చాయని మంత్రి ట్వీట్ చేశారు. ప్రస్తుతం వారిద్దరూ ఆస్పత్రిలో చికిత్సపొందుతున్నారన్నారు. అయితే తనకు తన ఇద్దరు కుమారులకు కరోనా నెగిటివ్ వచ్చినట్టు మంత్రి చెప్పారు.
