ఢిల్లీ: దేశవ్యాప్తంగా కరోనా విలయతాండవం చేస్తున్నది. కేంద్ర ఆరోగ్యశాఖ తెలిపిన గణాంకాల
ప్రకారం దేశవ్యాప్తంగా ఇప్పటివరకు 8,20,916 కరోనా కేసులు నమోదయ్యాయి. గత 24 గంటల్లో కొత్తగా 27,114 మందికి కరోనా సోకింది. దేశవ్యాప్తంగా 2,83,407 యాక్టివ్ కేసులుండగా, ఇప్పటివరకు 22,123 మంది కరోనాకు బలయ్యారు. 5,15,385 మంది ఈ మహమ్మారి నుంచి కోలుకున్నారు. కోలుకుంటున్న వారి సంఖ్య అధికంగా ఉన్నప్పటికీ.. రోజురోజుకు పెరుగుతున్న కేసులు ఆందోళన కలిగిస్తున్నాయి. ప్రజలంతా భౌతికదూరం పాటించి మాస్కులు ధరించాలని, అత్యవసరమైతేనే బయటకు రావాలని కేంద్ర ఆరోగ్యశాఖ మరోసారి సూచించింది. కరోనా వ్యాక్సిన్కోసం దేశవ్యాప్తంగా పలుసంస్థలు ముమ్మరంగా ప్రయత్నిస్తున్నాయని చెప్పంది. మరికొన్ని నెలల్లోనే వ్యాక్సిన్ పూర్తిస్థాయిలో అందుబాటులోకి వచ్చే అవకాశం ఉన్నదని స్పష్టం చేసింది.
