లండన్: ఈ ఏడాది ఆరంభంలోనే తనకు కరోనా సోకినా.. దాని గురించి పెద్దగా తెలియకపోవడంతో తీవ్రమైన ఫ్లూగా అర్థం చేసుకున్నానని ఇంగ్లండ్ మాజీ మాజీ ఆల్రౌండర్ ఇయాన్ బోథమ్ వెల్లడించాడు. ‘డిసెంబర్ చివర, జనవరి మొదట్లో నాకు కరోనా లక్షణాలు కనిపించాయి. అయితే దీనికి గురించి అప్పట్లో పెద్దగా ఎవరికీ తెలియదు. దీంతో ఫ్లూ చాలా తీవ్రంగా వచ్చిందని తప్పుగా అర్థం చేసుకున్నా. దీని గురించి పెద్దగా తెలియపోవడంతో చాలా రోజుల బాధపడ్డా. కానీ తర్వాత తగ్గిపోయింది. చూద్దాం ఇప్పుడు కూడా ఎన్ని రోజులు ఉంటుందో’ అని బోథమ్ పేర్కొన్నాడు. జనాలు ఇంకొద్దిగా ఓపిక పడితే… రాబోయే రెండు వారాల్లో పరిస్థితి మరింత మెరుగవుతుందన్నాడు. ఇప్పుడున్న పరిస్థితులకు స్పందిస్తున్న తీరు చాలా బాగుందని తెలిపాడు.
