30 మంది క్వారంటైన్
సారథి న్యూస్, నారాయణఖేడ్: సంగారెడ్డి జిల్లా నారాయణఖేడ్ డివిజన్ తో పాటు సిర్గాపూర్, కంగ్టి, కల్హేర్, మనూర్, నాగుల్ గిద్ద మండలాల ప్రజలను కరోనా మహమ్మారి భయం వెంటాడుతోంది. హైదరాబాద్ లోని ఓ బేకరీలో గరిడేగావ్ గ్రామానికి చెందిన ఓ వ్యక్తి పనికి వెళ్లాడు. ఈనెల 10న సొంతూరుకు తీవ్రమైన జ్వరంతో వచ్చాడు. జ్వరం తగ్గకపోవడంతో మూడు రోజుల క్రితం హైదరాబాద్లోని గాంధీ ఆస్పత్రికి తీసుకెళ్లారు. పరీక్షించిన డాక్టర్లు కరోనా పాజిటివ్ ఉందని నిర్ధారించారు. స్థానిక డాక్టర్లు, పోలీసు సిబ్బంది గ్రామానికి చేరుకుని స్థానికులకు అవగాహన కల్పించి అప్రమత్తం చేశారు.
30 మంది క్వారంటైన్
సదరు వ్యక్తి ఎవరెవరిని కలిశారనే వివరాలు సేకరించిన అధికారులు వైద్యపరీక్షల కోసం 30 మందిని క్వారంటైన్ కు తరలించారు. కంగ్టి మండల కేంద్రంతో పాటు ముర్కున్ జాల్, రసోల్ తో పాటు చాప్టా(కే)గ్రామంలో ఓ వేడుకకు అతడు వచ్చినట్లు గుర్తించారు. ఈ పరిణామాణాల నేపథ్యంలో నారాయణఖేడ్ డివిజన్ లోని అన్ని గ్రామాల్లో పది రోజుల పాటు స్వచ్ఛందంగా బంద్ నిర్వహించుకుంటున్నారు. ప్రతిఒక్కరూ మాస్క్ కట్టుకోవాలని, భౌతిక దూరం పాటించాలని, నారాయణఖేడ్ ఆర్డీవో అంబాదాస్ రాజేశ్వర్ సూచించారు. మాస్క్ లేకపోతే రూ.వెయ్యి ఫైన్ విధిస్తామని హెచ్చరించారు.
