లాక్ డౌన్ పేరుతో దేశవ్యాప్తంగా థియేటర్లు మూతపడిన విషయం తెలిసిందే. ఈ సమస్యతో సినీపరిశ్రమకు తీరని నష్టమే కలిగింది. అలాగే ఫిల్మ్ మేకర్స్ కూడా అన్ని కార్యక్రమాలు పూర్తయినా సినిమాలు ఎప్పుడు రిలీజ్ చేయాలో తెలియక టెన్షన్ పడుతున్నారు. ఈ సమయంలో ఓటీటీ ఫ్లాట్ ఫామ్ కే ఓటు వేస్తున్నారు చాలామంది చిత్ర నిర్మాతలు. వారి సినిమాలను డిజిటల్ ఫ్లాట్ ఫామ్ లో విడుదల చేసేందుకు రెడీ అవుతున్నారు. ‘అమృతారామమ్’ అనే సినిమా తెలుగులో ఇప్పటికే రిలీజ్ అయ్యింది.
ఇప్పుడు కీర్తిసురేష్ నటించిన ‘పెంగ్విన్’ కూడా ఓటీటీలో తెలుగు, తమిళ వెర్షన్స్ లో జూన్ 19న రిలీజ్ చేసేందుకు అమెజాన్ ప్రైమ్ తో ఒప్పదం కుదుర్చుకున్నారు నిర్మాతలు. ఈ సినిమాకు ఈశ్వర్ కార్తీక్ దర్శకత్వం వహించాడు. ‘పెంగ్విన్’తో కలిపి మొత్తం ఏడు సినిమాలను అమెజాన్ ప్రైమ్లో విడుదల చేసేందుకు సన్నాహాలు చేస్తున్నారు.
