క్రికెట్ ఆస్ట్రేలియా నిషేధం
న్యూఢిల్లీ: కరోనా కారణంగా క్రికెట్ లో కొత్త రూల్స్ రాబోతున్నాయి. మ్యాచ్ లో బంతిని షైన్ చేసేందుకు గతంలో క్రికెటర్లు ఉమ్మి, చెమటను వాడేవారు. కానీ ఇప్పుడు ఈ రెండింటిని వాడకూడదని క్రికెట్ ఆస్ట్రేలియా నిషేధం విధించనుంది. ఉమ్మి, చెమట వల్ల కరోనా వ్యాప్తి పెరిగే ప్రమాదం ఉండడంతో ఈ నిర్ణయం తీసుకోనుంది. బంతిని షైన్ చేసేందుకు ఆర్టిఫిషియల్ గా విధానాలను ఉపయోగించుకునే వెసులుబాటు కల్పించనుంది.
ఐసీసీ కూడా ఇదే తరహా ఆలోచనలు చేస్తోంది. ఇప్పటికే మెడికల్ నిపుణులు, క్రీడాసంఘాలు, ప్రభుత్వ సలహాలు, సూచనలతో ఆస్ట్రేలియన్ ఇనిస్టిట్యూట్ ఆఫ్ స్పోర్ట్స్ (ఏఐఏస్) కొన్ని మార్గదర్శకాలు రూపొందించింది. డ్రెస్సింగ్ రూములు, గ్రౌండ్స్, మీటింగ్ హాల్స్, ట్రైనింగ్ సెషన్స్ లో ఫిజికల్ డిస్టెన్స్ కచ్చితంగా పాటించాలని ఆదేశాలు జారీ చేయనుంది. కొత్తగా రూపొందించిన మార్గదర్శకాలను మూడుదశల్లో అమలుచేయనుంది.
