– ఖమ్మం సీపీ తఫ్సీర్ ఇక్బాల్
సారథి న్యూస్, ఖమ్మం: లాక్‌ డౌన్‌ నిబంధనలను అతిక్రమించి మాస్క్ లేకుండా రోడ్లపై తిరుగుతున్న వారికి ఖమ్మం పోలీస్ కమిషనర్ తఫ్సీర్ ఇక్బాల్ ఫైన్ విధించారు. శనివారం నగరంలోని పలు ప్రాంతాల్లో పోలీస్ కమిషనర్ పర్యటించారు.
ఇల్లందు చౌరస్తాలో నిర్వహిస్తున్న వాహన తనిఖీల్లో మాస్క్ లేకుండా వస్తున్న వారి వాహనాలను నిలిపి బాధ్యతలను గుర్తు చేస్తూ జరిమానా విధించారు. నిబంధనలు ఉల్లంఘించిన వాహనాలను సీజ్‌ చేస్తున్నామని సీపీ తెలిపారు. ఆయన వెంట అడీషనల్ డీసీపీ మురళీధర్, ట్రాఫిక్ ఏసీపీ రామోజీ రమేష్, సీఐ తుమ్మ గోపి, రమేష్ , శ్రీధర్ ఉన్నారు.
