లండన్: చాలా రోజుల తర్వాత మొదలవుతున్న ఫార్ములా వన్ విజయవంతంగా నిర్వహించేందుకు నిర్వాహకులు సిద్ధమవుతున్నారు. అందులో భాగంగా రేస్ లో పాల్గొనే డ్రైవర్ కు కరోనా వచ్చినా.. రేస్ మాత్రం ఆగదని ఎఫ్–1 సీఈవో ఛేజ్ క్యారీ స్పష్టం చేశారు. ‘మేం కచ్చితమైన ప్రణాళికలతో ఉన్నాం. రేస్ లో పాల్గొనే ఎవరికైనా కరోనా వచ్చినా టోర్నీ మాత్రం ఆగదు. రిజర్వ్ డ్రైవర్లతో ముందుకెళ్తాం. సోషల్ డెస్టిన్సింగ్ విషయంలోనూ కచ్చితమైన ప్రణాళికలు పాటిస్తాం. రక్షణ వలయంలోనే రేస్ ల జరుగుతాయి. ప్రేక్షకుల అనుమతిపై తర్వాత నిర్ణయం తీసుకుంటాం’ అని క్యారీ పేర్కొన్నారు.
