- వెల్లడించిన బీడబ్ల్యూఎఫ్
న్యూఢిల్లీ: వచ్చే ఏడాది జరగాల్సిన బ్యాడ్మింటన్ వరల్డ్ చాంపియన్ షిప్ ను రీ షెడ్యూల్ చేశారు. వాస్తవానికి 2021 ఆగస్ట్లో స్పెయిన్ లో ఈ టోర్నీ జరగాల్సి ఉంది. కానీ ఒలింపిక్స్ ఉండడంతో క్లాష్ రావొద్దని రీ షెడ్యూల్ చేశారు. వచ్చే ఏడాది నవంబర్ 29 నుంచి డిసెంబర్ 5 మధ్య పోటీలు నిర్వహిస్తామని బీడబ్ల్యూఎఫ్ వెల్లడించింది.
కరోనా కారణంగా టోక్యో ఒలింపిక్స్ వాయిదా పడడంతో తొలిసారి ఈ టోర్నీ ఒలింపిక్స్ ఏడాదిలో జరగనుంది. దీంతో పీవీ సింధు వచ్చే ఏడాది వరకూ వరల్డ్ చాంపియన్ గా కొనసాగనుంది. మరోవైపు కరోనా దెబ్బకు టోర్నీలు ఆగిపోవడంతో బీడబ్ల్యూఎఫ్ ర్యాంకింగ్ ను ఫ్రీజ్ చేశారు.
మార్చి 17వ తేదీ నాటికి ఉన్న ర్యాంక్లను యథాతధంగా నిలిపి ఉంచనున్నారు. 2021లో జరగాల్సిన టోర్నీలతో పాటు ఒలింపిక్స్ అర్హత టోర్నీలపై త్వరలో ఓ నిర్ణయం తీసుకుంటామని అంతర్జాతీయ బాడీ తెలిపింది.
