ట్రెండీ లుక్స్ తో అదరగొట్టడం స్టార్ హీరోలకు అలవాటే. డార్లింగ్ ప్రభాస్ అయితే ఆ విషయంలో ముందుంటాడు. ప్రతి సినిమాకీ ఓ కొత్త లుక్తో ఫ్యాన్స్కు ట్రీట్ ఇస్తుంటాడు. కెరీర్ స్టార్టింగ్ నుంచి కూడా సినిమాలకు తగ్గ లుక్ లో వేరియేషన్ చూపిస్తూనే వస్తున్నాడు. ఇదే క్రమంలో లేటెస్టుగా మరో కొత్త లుక్ లో దర్శనం ఇచ్చి సర్ప్రైజ్ చేశాడు ప్రభాస్. బ్లాక్ లెదర్ జాకెట్, రౌండ్ షేప్ గ్లాసెస్ గాగుల్స్ తో కొంటెనవ్వు నవ్వుతూ డార్లింగ్ ఇచ్చిన పోజ్ కి ఫ్యాన్స్ ఫిదా అవుతున్నారు. ఈ అల్ట్రా స్టైలిష్ లుక్ సూపర్ అంటూ ఫ్యాన్స్ ప్రభాస్ ఫొటోని సోషల్ మీడియాలో వైరల్ చేస్తున్నారు.
ఇక ప్రభాస్ ప్రస్తుతం నటిస్తున్న ‘రాధే శ్యామ్’ షూటింగ్ త్వరలోనే స్టార్ట్ కానుంది. ఈ చిత్రానికి రాధా కృష్ణకుమార్ దర్శకత్వం వహిస్తుండగా కృష్ణంరాజు సమర్పణలో యూవీ క్రియేషన్స్ నిర్మిస్తున్నారు. దీంతో పాటు ప్రభాస్ మరో రెండు ప్రాజెక్ట్స్ లైన్లో పెట్టాడు. ‘మహానటి’ ఫేమ్ నాగ్ అశ్విన్ దర్శకత్వంలో ఓ సైన్స్ ఫిక్షనల్ మూవీ చేయనున్నాడు. ఈ పాన్ ఇండియా చిత్రాన్ని వైజయంతీ మూవీస్ బ్యానర్ లో అశ్వినీదత్ నిర్మించనున్నారు. ఇక ‘ఆదిపురుష్’ అనే స్ట్రెయిట్ హిందీ మూవీలో నటించనున్నాడు ప్రభాస్. బాలీవుడ్ డైరెక్టర్ ఓం రౌత్ తెరకెక్కిస్తున్న ఈ చిత్రాన్ని టీ- సిరీస్ భూషణ్ కుమార్ నిర్మిస్తారు. ఇప్పటికే ‘రాధేశ్యామ్’ లుక్ రివీల్ చేశారు. మిగతా రెండు సినిమాల లుక్ కోసం ఫ్యాన్స్ ఆతృతగా ఎదురుచూస్తున్న సమయంలో ఈ అల్ట్రా స్టైలిష్ లుక్ అభిమానులను తెగ ఆకట్టుకుంటోంది.
