న్యూఢిల్లీ: దేశానికి రాజు అయినా..తల్లికి కొడుకే అనే సామేత అందరికీ తెలిసిందే. అయితే ఎంత ఎత్తుకుఎదిగినా కుటుంబం వరకు వచ్చేసరికి తనకున్న బాధ్యతలను నిర్వహించాల్సిందే. అందుకే ప్రపంచ క్రికెట్ను ఏలిన సచిన్ టెండూల్కర్ కూడా తన పిల్లల విషయంలో ఓ తండ్రిగా బాధ్యతలు నిర్వహిస్తున్నాడు.
లాక్ డౌన్తో బార్బర్ షాప్స్ మూతపడడంతో తానే స్వయంగా కత్తెర పట్టాడు. కుమారుడు అర్జున్ కోసం హెయిర్ స్టయిలిస్ట్ గా మారిపోయాడు. కటింగ్ చేస్తూ తనకు నచ్చిన రీతిలో కొడుకు హెయిర్ స్టైల్ ను సెట్ చేశాడు. దీనికి సంబంధించిన వీడియోను ఇన్ స్టాగ్రామ్ లో పోస్ట్ చేయడంతో వైరల్ గా మారింది. ‘తండ్రిగా మన బాధ్యతలను నిర్వహించాల్సిందే. పిల్లలతో గేమ్స్ ఆడాలి. జిమ్కు వెళ్లాలి. ఒక్కోసారి హెయిర్ కూడా కట్ చేయాలి. ఈ హెయిర్ స్టైల్తో నీవు అందంగా మారుతావు. నా సెలూన్ అసిస్టెంట్ గా చేసిన సారా టెండూల్కర్ కు కృతజ్ఞతలు’ అని సచిన్ రాసుకొచ్చాడు.
