సారథి న్యూస్, మహబూబ్ నగర్: హన్వాడ సీహెచ్ సీ లో మంత్రి శ్రీనివాస్ గౌడ్ నర్సులకు, ఆశా కార్యకర్తలకు మాస్కులు, శానిటైజర్లు, నిత్యావసర సరుకులు పంపిణీ చేశారు. పాఠశాల వద్ద వివిధ పథకాల కింద లబ్ధిదారులకు చెక్కులను అందజేశారు.
తెలంగాణ చౌరస్తాలో రోడ్డు విస్తరణ పనులను పరిశీలించిన అనంతరం వీరబ్రహ్మేంద్ర స్వామి ఆలయం వద్ద పూజలు చేశారు. అనంతరం మహబూబ్ నగర్ బోయపల్లి గేట్ సమీపంలో ఉన్న వీవీ కన్వెన్షన్ లో వాసవీ అసోసియేషన్ ఆధ్వర్యంలో పేదలకు నిత్యావసర సరుకులు పంపిణీ చేశారు. కార్యక్రమంలో డీఎంహెచ్ వో డాక్టర్ కృష్ణ, రెడ్ క్రాస్ అధ్యక్షుడు లయన్ నటరాజ, మాజీ మార్కెట్ కమిటీ అధ్యక్షుడు రాజేష్ పాల్గొన్నారు.
