సారథి న్యూస్, నారాయణఖేడ్: కురుమల ఆరాధ్యదైవమైన బీరప్ప అడుగుజాడల్లో నడవాలని నారాయణఖేడ్ ఎమ్మెల్యే భూపాల్ రెడ్డి అన్నారు. సోమవారం సంగారెడ్డి జిల్లా నారాయణఖేడ్ డివిజన్ పరిధిలోని ఆబ్బెంద గ్రామంలో నూతనంగా నిర్మించిన బీరప్ప, మహా లింగ్ రాయ విగ్రహాలు ప్రతిష్ఠాపన, కల్యాణ మహోత్సవంలో పాల్గొన్నారు. ఆయనకు కురుమలు సంప్రదాయ పద్ధతిలో డోలు వాయిస్తూ, నృత్యాల మధ్య స్వాగతం పలికారు. కురుమలు మాట తప్పరని సీఎం కేసీఆర్ అన్నారని ఆయన గుర్తుచేశారు.
