మానవాళిని వణికిస్తున్న కరోనాను అడ్డుకోవడానికి కేంద్ర, రాష్ట్ర ప్రభుత్వాలు లాక్ డౌన్ విధించడంతో ఉపాధి కోల్పోయి చాలా మంది రోడ్డుమీద పడ్డారు. ముఖ్యంగా సినీ ఇండస్ట్రీకి చెందిన ఆర్టిస్టులు, కార్మికులు ఎంతో మంది ఉన్నారు. సినిమా షూటింగ్ లు లేకపోవంతో చాలామంది ఆర్థికపరమైన సమస్యలను ఎదుర్కొంటున్నారు. కష్టకాలంలో వారిని ఆదుకోవడానికి ప్రముఖ సినీనటుడు సూర్య ముందుకొచ్చాడు. రూ.ఐదుకోట్ల భారీవిరాళం ప్రకటించి రియల్లైఫ్లోనూ తాను హీరో అనిపించుకున్నారు.
డిజిటిల్ మీడియాకు తన లేటెస్ట్ సినిమా ‘ఆకాశమే హద్దురా’ విక్రయించడం ద్వారా వచ్చిన మొత్తంలో రూ.ఐదుకోట్లను కరోనా కారణంగా ఆర్థికంగా బాధపడుతున్న కుటుంబాలకు అందేలా ఏర్పాట్లు చేస్తానని సూర్య వెల్లడించారు. ‘సినీ పరిశ్రమనే నమ్ముకుని చాలా కుటుంబాలు పనిచేస్తున్నాయి. కరోనా సమయంలో వారు ఉపాధి కోల్పోయి చాలా కష్టాలు పడుతున్నారు.. అందుకే వారికీ అండగా నిలవాలని అనిపించింది’ అని సూర్య అన్నారు.
