ఒక్క చెత్త బంతీ వేయొద్దు

• ఇంగ్లండ్ పేసర్ జేమ్స్ అండర్సన్

న్యూఢిల్లీ: క్రికెట్ దిగ్గజం సచిన్ బ్యాటింగ్ చేస్తున్నప్పుడు ఆచితూచి బౌలింగ్ చేయాలని ఇంగ్లండ్ పేసర్ జేమ్స్ అండర్సన్ అన్నాడు. ఒక్క చెత్త బంతి వేసినా మూల్యం చెల్లించుకోవాల్సిందేనన్నాడు. బంతులు వేయడంలో చాలా నియంత్రణతో పాటు చాలా అప్రమత్తంగా వ్యవహరించాలన్నాడు. ‘సచిన్ బ్యాటింగ్ చేస్తుంటే బౌలర్​ కు ఏదో తెలియని ఆందోళన కలుగుతుంది. ఇందులో సందేహం లేదు. ఒక్క చెత్తబంతి వేసినా మాస్టర్​కు కుదురుకునే అవకాశం ఇచ్చినట్లే. ఆ తర్వాత అలవోకగా 500 రన్స్‌ అయినా చేసేస్తాడు. మన బౌలింగ్​ లో అతను షాట్స్ ఆడుతుంటే ప్రపంచం మొత్తం ముగిసిపోతుందనే భావన కలుగుతుంది. ఆ సమయంలో మాస్టర్‌ను ఆపడం ఎవరి తరం కాదు. కాబట్టి సచిన్‌కు బౌలింగ్‌ చేసేటప్పుడు చాలా జాగ్రత్తగా వ్యవహరించాలి’ అని అండర్సన్‌ వ్యాఖ్యానించాడు.