టీమిండియా మాజీ ఓపెనర్ గౌతమ్ గంభీర్
న్యూఢిల్లీ: టీ20లకు ప్రత్యేకంగా బ్యాటింగ్ కోచ్ ఉండడం సరైందేనని టీమిండియా మాజీ ఓపెనర్ గౌతమ్ గంభీర్ అన్నాడు. ఇందుకోసం అంతర్జాతీయ క్రికెట్ ఆడిన అనుభవం ఉండాల్సిన అవసరం లేదన్నాడు. ‘స్పెషలిస్ట్ కోచ్తో చాలా ప్రయోజనాలు ఉంటాయి. కోచ్గా సక్సెస్ కావాలంటే ఎక్కువ అంతర్జాతీయ మ్యాచ్లు ఆడిన అనుభవం ఉండాలన్నది సరైన వాదన కాదు.
టీ20ల్లో కోచ్ చేయాల్సింది.. ప్లేయర్లలో సానుకూల ధోరణిని పెంచడం. భారీ షాట్స్ ఆడేలా, లక్ష్యాలు చేరుకునేలా ప్రేరణ, ప్రోత్సాహిస్తే అందిస్తే సరి. ప్లేయర్ ఇందులో విజయవంతమైతే కోచ్గా కూడా సక్సెస్ అయినట్లే. టీ20ల్లో షాట్లు కొట్టడం నేర్పే పని పని కోచ్ ది ఎంతమాత్రం కాదన్నాడు. ల్యాప్ షాట్ ఇలా ఆడు.. రివర్స్ ల్యాప్ అలా కొట్టు అని ఏ కోచ్ శిక్షణ ఇవ్వడు. ఇలా చేస్తే ప్లేయర్ కు కీడుచేసిన వాడవుతాడు. కాబట్టి ఏ కోచ్ అలా చేయడు’ అని గౌతీ పేర్కొన్నాడు. ఎక్కువ మ్యాచ్లు ఆడిన అనుభవం సెలెక్టర్లకు బాగా ఉపయోగపడుతుందన్నాడు.
