అక్కినేని అఖిల్కు టైం కలిసిరావడం లేదు. ఈ యువ హీరో నటించిన తొలి మూడు చిత్రాలు ఆశించిన ఫలితాలు ఇవ్వలేదు. దీంతో వెబ్సీరీస్లో నటించేందుకు అఖిల్ సిద్ధమవతున్నట్టు టాక్. ‘అఖిల్’ ‘హలో’ ‘మిస్టర్ మజ్ను’ ఈ మూడు చిత్రాలు అఖిల్ ను నిరాశపరిచాయి. అయినప్పటికీ నటుడిగా కొంతమేర గుర్తింపు పొందాడు. డాన్సులు, ఫైట్ సీన్లలో ఎంతో బాగా చేస్తున్నాడని అక్కినేని అభిమానులు ప్రశంసలు గుప్పించారు. కానీ నటనలో కొంత పరిణతి సాధించాలని సినీ విమర్శకుల సూచన. ఈ నేపథ్యంలో అఖిల్ మోస్ట్ ఎలిజిబుల్ బ్యాచిలర్ అనే చిత్రంలో నటిస్తున్నాడు. ఈ చిత్రానికి బొమ్మరిల్లు భాస్కర్ దర్శకత్వం వహిస్తుండటంతో భారీ అంచనాలు నెలకొని ఉన్నాయి. 2021 సంక్రాంతి విడుదలకు రానుందని సమాచారం. అయితే ఓ ప్రముఖ నిర్మాణసంస్థ తమ వెబ్సిరిస్లో నటించేందుకు అఖిల్ను సంప్రదించినట్టు సమాచారం. హిందీ వెబ్ సిరీస్ లో కీలక పాత్ర కోసం మేకర్స్ అఖిల్ను సంప్రదించారట. దీనికి అంగీకరించాడా లేదా? అన్నది తెలియాల్సి ఉంది.
