చెన్నై: గతంలో సమయ నియంత్రణలో ఎప్పుడూ చెస్ ఆడలేదని, అందుకే ఈసారి ఫిడే మహిళల ఆన్లైన్స్పీడ్ చెస్ టోర్నీలో బరిలోకి దిగుతున్నానని భారత గ్రాండ్మాస్టర్ కోనేరు హంపి చెప్పింది. దీనివల్ల ప్లేయర్ల వేగం ఎంతో తెలుస్తుందని పేర్కొంది. గ్రాండ్మాస్టర్లు ద్రోణవల్లి హారిక, వైశాలి, ప్రపంచ చాంపియన్ జు వెనుజు లాంటి మేటి ప్లేయర్లు ఇందులో పాల్గొననుండటంతో టోర్నీ ఆసక్తికరంగా సాగుతుందని చెప్పింది. స్పీడ్ చెస్లో ఎత్తు వేయడానికి ఒక నిమిషం లభిస్తుంది. ఒక్కో ఎత్తు తర్వాత ఒక్కో సెకన్ అదనంగా లభిస్తుంది.
‘సమయ నియంత్రణ పద్ధతిలో ఎప్పుడూ ఆడలేదు. ఈసారి బరిలోకి దిగాలని నిర్ణయించుకున్నా. ప్రపంచంలోని అత్యుత్తమ క్రీడాకారులు పాల్గొంటుండటంతో టోర్నీ ఆసక్తికరంగా సాగడం ఖాయం. కార్ల్సన్ సహా టాప్ ప్లేయర్లు ఆన్లైన్ టోర్నీల్లో ఆడడం మంచి పరిణామం. వాళ్లు గతంలో కంటే ఇప్పుడే ఎక్కువ చెస్ ఆడుతున్నట్లున్నారు’ అని హంపి వ్యాఖ్యానించింది.
