![వినాయకుడు తెలుగుమూవి](https://i0.wp.com/samajikasarathi.com/wp-content/uploads/2020/08/vinayakudu-telugu-moviefff.jpg?fit=700%2C350&ssl=1)
తెలుగులో విజయం సాధించిన ‘వినాయకుడు’ చిత్రాన్ని బాలీవుడ్లో రీమేక్ చేయనున్నట్టు సమాచారం. కొంతకాలంగా తెలుగులో సూపర్ హిట్ అయిన చిత్రాలను బాలీవుడ్లో రీమేక్ చేసేందుకు అక్కడి దర్శకనిర్మాతలు పోటీపడుతున్నారు. ఇప్పటికే పలు సినిమాలు బాలీవుడ్ రీమేక్ కు రెడీ అయ్యాయి. చాలా కాలం క్రితం తెలుగులో హిట్ అయిన దూకుడు, అరుంధతి వంటి సినిమాలను ప్రస్తుతం రీమేక్ చేస్తున్నారు బాలీవుడ్ నిర్మాతలు. కాగా దాదాపు 12 ఏళ్ల క్రితం కృష్ణుడు హీరోగా నటించిన ‘వినాయకుడు’ సినిమాను హిందీ లో తీయాలని చూస్తున్నారట. వినాయకుడు చిత్రంలో సోనియా హీరోయిన్గా నటించింది. సాయి కిరణ్ అడవి దర్శకత్వంలో వచ్చిన వినాయకుడు ప్రేక్షకులను నవ్వించడంతో పాటు ఎమోషనల్ గా కూడా ఆకట్టుకుంది. ప్రముఖ బాలీవుడ్ నిర్మాణ సంస్థ ఈ సినిమాను నిర్మించనుండగా తెలుగు లో దర్శకత్వం వహించిన సాయి కిరణ్ అడవి హిందీలో కూడా తెరకెక్కించబోతున్నట్లు తెలుస్తుంది. ‘వినాయకుడు’ టైటిల్ పట్ల అప్పట్లో కొన్ని హిందూ సంస్థలు అభ్యంతరం తెలిపాయి.