అంతర్జాతీయ క్రికెట్ కౌన్సిల్
ముంబై: బౌలర్లు పూర్తి స్థాయిలో టెస్ట్ క్రికెట్ మొదలుపెట్టాలంటే కనీసం రెండు నెలల ప్రాక్టీస్ అవసరమని అంతర్జాతీయ క్రికెట్ కౌన్సిల్ (ఐసీసీ) వెల్లడించింది. గాయాల బారినపడకుండా ఉండాలంటే ఇది కచ్చితంగా అవసరమని చెప్పింది. ‘లాక్ డౌన్ కారణంగా బౌలర్లంతా ఇంటికే పరిమితమయ్యారు. కనీసం రన్నింగ్ ప్రాక్టీస్ కూడా లేదు. ఇప్పటికిప్పుడు టెస్ట్ క్రికెట్ మొదలుపెట్టాలంటే వాళ్లకు పెద్ద రిస్క్ ఉంటుంది. గాయాల బారినపడతారు. అందుకే ముందు చిన్నచిన్న కసరత్తులు మొదలుపెట్టి పూర్తిస్థాయి రన్నింగ్ ప్రాక్టీస్ చేయాలి. ఆ తర్వాతే పూర్తిస్థాయి బౌలింగ్ చేయగలుగుతారు.
కనిష్టంగా 8 నుంచి 14 వారాల సమయం పడుతుంది. ఇందులో చివరి రెండు మూడు వారాలు మ్యాచ్కు అవసరమైన తీవ్రతో బౌలింగ్ చేయగలుగుతారు’ అని ఐసీసీ పేర్కొంది. బౌలర్లపై వర్క్లోడ్ తగ్గించేందుకు ఎక్కువ మొత్తంలో ప్లేయర్లను అందుబాటులో ఉంచుకోవాలని చెప్పింది. పరిమిత ఓవర్ల క్రికెట్లో ఆడేందుకు కనీసం ఆరువారాల ప్రాక్టీస్ అవసరమని తెలిపింది. ప్రతి జట్టు మెడికల్ నిపుణుడిని పెట్టుకోవడం ద్వారా బౌలర్లు సురక్షితంగా ట్రైనింగ్ మొదలుపెట్టే అవకాశం ఉందని వ్యాఖ్యానించింది.
