పాన్ ఇండియా స్టార్ ప్రభాస్ సినిమా అంటేనే భారీ అంచనాలతో ఉంటుందనే ఆతృత ఉండడం సహజమే. ఆయన గురించి వచ్చే ప్రతి అప్ డేట్స్ను ఫాలో అవుతుంటారు చాలామంది ఫ్యాన్స్. ప్రస్తుతం ‘జిల్’ ఫేమ్ రాధాకృష్ణ దర్శకత్వంలో సినిమా చేస్తున్న ప్రభాస్ తర్వాత ‘మహానటి’ దర్శకుడు నాగ్ అశ్విన్తో చేయనున్నాడని అధికారిక ప్రకటన వచ్చిన నాటి నుంచి ఆ సినిమా అప్ డేట్స్ కోసం తెగ ఎదురుచూస్తున్నారు ఫ్యాన్స్. పాన్ ఇండియా సినిమాగా తెరకెక్కనున్న ఇందులో బాలీవుడ్ స్టార్స్, హాలీవుడ్ టెక్నీషియన్ తో సినిమా ఉండనుందని తెగ పుకార్లు చక్కర్లు కొట్టాయి. కానీ అవేమీ నిజం కాదని ‘స్క్రిప్ట్ వర్స్ ఇంకా జరుగుతోందని, కాస్టింగ్ గురించి ఇంకా ఎవర్నీ అనుకోలేదని, కరోనా కారణంగా పనులు లేటవుతున్నాయని.. సినిమా సెట్ పైకి రావడానికి చాలా టైమ్ పడుతుందని అంటున్నారు దర్శకులు నాగ్ అశ్విన్. మరి అప్పటి వరకూ ఆగడం తప్ప చేసేది ఏముంది. స్క్రిప్టును పక్కాగా రెడీ చేసుకుంటేనే కానీ నాగ్ అశ్విన్ మూవీని పట్టాలెక్కించడన్న విషయం ‘మహానటి’తోనే అర్థమయ్యిందిగా.
