సామాజికసారథి, డిండి: వారం రోజులుగా తీవ్ర అనారోగ్యంతో బాధపడుతూ హైదరాబాద్ లోని మలక్పేట యశోద ఆస్పత్రిలో చికిత్స పొందుతున్న డిండి మండలం బొల్లనపల్లి గ్రామ టీఆర్ఎస్ సర్పంచ్ కామెపల్లి భాస్కర్ను.. టీఆర్ఎస్ నల్లగొండ జిల్లా అధ్యక్షుడు, దేవరకొండ ఎమ్మెల్యే రమావత్ రవీంద్ర కుమార్ నాయక్ గురువారం సాయంత్రం పరామర్శించారు. మెడికల్ రిపోర్టర్లను ఆయన పరిశీలించారు. ఆస్పత్రి డాక్టర్లు, సిబ్బందిని అడిగి హెల్త్ కండీషన్ గురించి తెలుసుకున్నారు. సర్పంచ్ భాస్కర్ సతీమణి స్వరూప, బావమరిది ఎలిమినేటి రమేష్ను అడిగి వివరాలు ఆరాతీశారు. నిరంతరం ప్రజల్లో ఉండి.. ప్రజల కోసం సేవ పనిచేస్తున్న భాస్కర్ ఉన్నట్టుండి అనారోగ్యానికి గురై ఆస్పత్రి పాలు కావడం పట్ల ఎమ్మెల్యే ఆవేదన వెలిబుచ్చారు. ఈ విషయాన్ని వైద్యశాఖ మంత్రి టి.హరీశ్రావు, మున్సిపల్ శాఖ మంత్రి కె.తారక రామారావు దృష్టికి తీసుకెళ్లి తగిన సహాయ సహకారాలు అందిస్తానని సర్పంచ్ కుటుంబసభ్యులకు ధైర్యం చెప్పారు. ఎమ్మెల్యే రమావత్ రవీంద్రకుమార్ నాయక్ వెంట టీఆర్ఎస్ రాష్ట్ర కార్యదర్శి హన్మంతు వెంకటేశ్గౌడ్, టీఆర్ఎస్ డిండి మండలాధ్యక్షుడు రంగినేని వెంకటేశ్వర్రావు, వ్యక్తిగత సిబ్బంది ఉన్నారు.
మంత్రి జి.జగదీశ్వర్రెడ్డి పరామర్శ
కాగా, అంతకుముందు టీఆర్ఎస్ రాష్ట్ర కార్యదర్శి హన్మంతు వెంకటేశ్ గౌడ్.. బొల్లనపల్లి గ్రామ సర్పంచ్ కామెపల్లి భాస్కర్ ఆస్పత్రిలో చికిత్స పొందుతున్న విషయాన్ని జిల్లా మంత్రి గుంటకండ్ల జగదీశ్వర్రెడ్డి దృష్టికి ప్రత్యేకంగా తీసుకెళ్లారు. మంత్రి కూడా సర్పంచ్ భాస్కర్ను ఫోన్ లో పరామర్శించారు. వైద్యఖర్చుల పరంగా ఆదుకుంటామని భరోసా ఇచ్చారు. అంతకుముందు సర్పంచ్ కామెపల్లి భాస్కర్ సోదరుడు, వెల్దండ పంచాయతీరాజ్శాఖ ఏఈ కామెపల్లి మహేందర్, టీచర్ లక్ష్మయ్య దగ్గరుండి వైద్యచికిత్సలను చూసుకున్నారు. అలాగే పలువురు బొల్లనపల్లి గ్రామస్తులు, టీఆర్ఎస్ మండల నాయకులు.. భాస్కర్ను ఆస్పత్రిలో పరామర్శించి వెళ్లారు.
