‘ఆర్ఆర్ఆర్’ సినిమా తర్వాత ఎన్టీఆర్ త్రివిక్రమ్ కాంబినేషన్లో సినిమా రానుందన్న వార్త కొద్ది రోజులగా వైరల్ అవుతూ ఉంది. అభిమానులు కూడా వీరి కాంబో వచ్చే సినిమా కోసం ఈగర్లీ వెయిట్ చేస్తున్నారు కూడా. ఈ సినిమా కి ‘అయినను పోయిరావలె హస్తినకు’ అన్న టైటిల్ అనుకుంటున్నామని, వచ్చే సమ్మర్ లోపు ఈ చిత్రాన్ని విడుదల చేసేయాలని అనుకుంటున్నారన్న టాక్ కూడా వినిపిస్తోంది. అయితే తాజాగా ఓ వారం రోజుల నుంచి ఈ మూవీలో మంచువారి హీరో మనోజ్ ఎన్టీఆర్ కి దీటుగా విలన్గా నటించనున్నాడనే వార్తొకటి గుప్పుమంది. ఆ వార్తలపై మనోజ్ స్పందిస్తూ.. ‘నన్ను ఎన్టీఆర్ సినిమా గురించి ఎవరూ సంప్రదించలేదు.. అయినా నేను విలన్ పాత్ర చేయడానికి సిద్ధమే.. కానీ దానికి ఇంకాస్త సమయం పడుతుంది..’అని కూల్గా చెప్పాడు. సో ఇంకా ఈ సినిమాలో విలన్ ఎవరన్న విషయం తేలలేదు. ఈ విషయం పై అధికారిక ప్రకటన ఏమీ రాలేదు కూడా. పొలిటికల్ ఫ్యామిలీ ఎమోషన్స్ డ్రామాగా తెరకెక్కనున్న ఈ చిత్రాన్ని హారిక అండ్ హాసిని క్రియేషన్స్ తో పాటు ఎన్టీఆర్ ఆర్ట్స్ పతాకంపై నందమూరి కళ్యాణ్ రామ్ నిర్మించనున్నాడు. కాగా మనోజ్ సొంత నిర్మాణంలో ‘అహం బ్రహ్మాస్మి’ సినిమా చేస్తున్నాడు.
